eg tenkjer ut lydar som heng
eit synkronisert bilete
ti sekund
under den bleike halvmånen
eg veit at ingenting hastar
at utan meg står tida mi
omtrent stille
eg sirklar trøytt
rundt innafor gjerdet
til
nokon har flytta sentrumet mitt
dit dei andre hestane beitar
i det kjølige svarte ljoset
lenge før du kjørte forbi
visste eg du ville kome
og spre oss i morgondisen
om dagen er ditt forbi forbi
noko trygt eg ikkje kan forklare
men vi skjelv i smal natt
snakk til meg om sommardagar
om smaken av sukkerbitar
konkrete kjærteikn frå handa di
denne trugande skuggedansen
torer eg ikkje gripe tak i
og elske
Ingen kommentarer:
Legg inn en kommentar